Plantun de Prouvènço

Pèr coumpara dos planto d'encò nostre

Moneses uniflora & Juniperus phoenicea subsp. turbinata

Moneses uniflora

Ericaceae

Nom en français : Pirole à une fleur.

Descripcioun :
Aquelo pirolo trachis en coulounìo souto li pin e li sapiniero de mountagno. Li fueio, basalo, soun un pau roundo, entiero e dentado em'un long pecou, rèston dóu tèms de l'ivèr. Coume soun noum lou dis, fai uno souleto flour, aquelo èi plato e sènt qu'embaumo. Coumpara emé li pirolo di gènre Orthilia e Pyrola.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 10 cm
Fueio : basalo
Tipe bioulougico : Camefite
Cicle bioulougico : Planto renadivo

Gènre : Moneses
Famiho : Ericaceae

Ordre : Ericales

Coulour de la flour : Blanco
Petalo : 4
Ø (o loungour) flour : 1,5 à 2 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à juliet

Liò : Pinedo - Sapiniero
Estànci : Subremediterran à Subaupen
Couroulougi : Bourealo
Ref. sc. : Moneses uniflora (L.) A.Gray, 1848

Mourven

Juniperus phoenicea subsp. turbinata

Cupressaceae

Àutri noum : Cade-dourmihous, Morven, Mourvenc, Mourvè.

Nom en français : Genévrier de mer.

Descripcioun :
Aquelo meno de mourven trachis dins li duno de sablo en ribo de mar. Fai de "fru" un pau mai gros (> 9 mm) que caupon mens de grano (< 7) que la subsp. phoenicea, coumuno, que vèn dins li colo. Li jóuini ramo soun tambèn mai drecho. Coumpara emé la subsp. phoenicea que ié sèmblo forço.

Usanço :
Dèu agué li mémis usanço que lou mourven di garrrigo.